الصابرين
الصابرين

الصابرين
 
الرئيسيةالرئيسية  التسجيلالتسجيل  مركز الرفعمركز الرفع  دخول  
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» ف ليكن نومك،،كلّه لله
الجمعة 13 مارس 2015 - 19:23 من طرف محسن الشريف

» اذكار للمسلم الصغير
الجمعة 8 مارس 2013 - 13:34 من طرف meria

» مفارش تحححححححححححححححححححححفة
الخميس 8 نوفمبر 2012 - 19:53 من طرف أم أريج

» من أجمل الأعمال اليدوية الرائعه التطريز
الخميس 8 نوفمبر 2012 - 19:40 من طرف أم أريج

» اشكال ورسمات تطريز جميله
الخميس 8 نوفمبر 2012 - 19:35 من طرف أم أريج

» تطريز ايتامين
الخميس 8 نوفمبر 2012 - 19:31 من طرف أم أريج

» ديكور ستيكارات لغرف الاطفال
الثلاثاء 5 يونيو 2012 - 1:07 من طرف nanakoko

» طريقة اسباجيتى بولونيز السريعة
الثلاثاء 5 يونيو 2012 - 0:57 من طرف nanakoko

» ديكور حديث لحمامك والوان جذابة
الثلاثاء 5 يونيو 2012 - 0:39 من طرف nanakoko

الكود: ---------تضليل المحتوى

شاطر | 
 

 الحق نفسك قبل المدفع ما يضرب

اذهب الى الأسفل 
كاتب الموضوعرسالة
الداعية الى الله

avatar

عدد المساهمات : 146
نقاط : 268
تاريخ التسجيل : 30/06/2011

مُساهمةموضوع: الحق نفسك قبل المدفع ما يضرب   الجمعة 1 يوليو 2011 - 11:23

الحمد لله والصلاة والسلام على خير خلق الله ..
سيدنا محمد بن عبد الله وعلى آله وصحبه ومن والاه ..
أما بعد ..



طبعا كلنا داخلين على رمضان بإذن الله وكل عام وأنتم بخير ..




وعارفين كلنا الجمله المشهورة اللي بتتقال في رمضان ..
اقولها ولا فاكرينها ..
طيب صلوا عالنبي .. صلى الله عليه وسلم ..

تلاقي الناس كلها كل ما حد يكلمهم يتنرفز عليك ويقول لك يعم سيبه في حاله أصله صايم ..
تصدق أنا مكنتش عارف إنه صايم :d !!!

وكأن الصيام ده حاجه بتشيط الأعصاب .. بيبوظ الاخلاق .. بيتسبب في سوء المعاملات .. عياذا بالله !!!

وطبعا ده كلام ميطلعش من حد بيفهم أبدا ..

*********


عاوزين من دلوقتي نبدأ نتدرب على الصيام ..
ومع التدرب على الصيام نحاول نحسن من أخلاقنا شويه ..
اللي بيتعصب بسرعه يبدأ يكظم غيظه شويه ..
وياخد الهدية دي من النبي صلى الله عليه وسلم ..
قال صلى الله عليه وسلم : " و من كظم غيظا و لو شاء أن يمضيه أمضاه ملأ الله قلبه رضى يوم القيامة "
[ رواه ابن أبي الدنيا وحسنه الألباني ]

يعني لما واحد زي حالاتي ينرفزك .. قول له متستاهلش أطلع زهقي فيك .. أنا عاوز ربنا يرضيني يوم القيامة ..
وتقول .. اللهم اخزيك يا شيطان يا وحش .. وتعد كده جمب حيطة على جمب كده .. لوحدك خالص .. وتعد تستغفر من ذنوبك اللي بتخليك تتنرفز على الدنيا كلها كده ..

****************

يبقى لازم نستعد لرمضان بجد من دلوقتي ونجهز شنطة رمضان ..
بس مش شنطة فيها بلح وتمر هندي وقمر الدين وياميش وكنافه وبسبوسه وأم علي وأنا جوعت والله .. الله يسامحكم ..

لا مش دي الشنطة اللي هنجهزها ..
احنا هنجهز شنطة تانيه خااااالص ..

اسمها عدة رمضان ..
ربنا عزوجل قال ( ولو أرادوا الخروج لأعدوا له عدة ) ..
يعني اللي ناوي يصوم صيام مظبوط ربنا يتقبله منه .. هيبدأ يستعد له قبل ما ييجي ..
اشمعنى الامتحان بنذاكر له قبلها بشهر ولا حاجه ..

لازم نوازن بين استعدادنا للدنيا واستعدادنا للآخرة ..
وده ميزان الصادقين وعلامتهم .. إنه استعداده لآخرته دايما هو الاول وهو اللي مستحوذ على كل تفكيره ..
ياترى احنا مستعدين ؟؟
طيب بنفكر نستعد ؟؟
طيب هنفكر إمتى ؟؟
لما العيد ييجي ؟؟

طبعا كلنا فاكرين رمضان اللي فات واللي قبله واللي قبله و..... إلخ ..
آخر يوم أعدنا نبكي ونعيط على رمضان .. وهيمشي واحنا مشبعناش منه ..
يارب يبقى 30 يوم .. ده كله عشان نغطي على تقصيرنا طول لشهر ..
والنوم اللي نمناه وقت التهجد .. وعدم الانتظام في ورد القرآن .. بل تضييع الصلوت أيانا بسبب المطبخ وتجهيز الفطار والسحور ..
وقلبنا المقصد من رمضان .. بدل ما نقلل من الأكل فيه .. لا فتحنا معلف ( sorry)

وده سببه قلة الاستعداد لرمضان ..
يبقى من دلوقتي نبدأ نجهز عدة رمضان ..
مين هيجهز معانا ؟؟
اللي هيجهز معانا يروح يشتري شنطه

طيب ادام دبست نفسك يا فالح يبقى لازم تنفذ الكلام اللي جاي ده .. وإجباري ..

***********************

هنجمع في الشنطة
..
1- التوبة بجد مش هزار من كل الذنوب ..



2- تجديد التوبة من الذنوب اللي سيبناها من فترة
ونسينا نتوب منها أصلا .. او توبنا والتوبة قدمت شويتين .. فنجدد التوبة .. بكثرة الندم والبكاء والاستغفار منها ..
غفر الله لي ولكم ..

3- المحافظة على الصلوات الخمس في جماعه ( قدر الإمكااااااااان) وصلاة الفجر يا جمااااااااااااعه ..
ونبدأ نحافظ على السنن كمان .. وصلاة الضحى وصلاة الوتر .. وصلاة ركعتين بعد العشا بنية قيام الليل لو مش هتقدر تصحى بالليل أو هتكسل تصليهم قبل ما تنام ..

4- المحافظة على اذكار الصباح والمساء ..
وأذكار ختام الصلاة .. والأذكار اليومية عموما .. ( كتيب حصن المسلم يفيدك كتير جدا .. لازم تشتريه من أي مكتبه وميفارقش جيبك أبدا )..

5- طبعا ... نثبت ورد دعاء يوميا وبالذات في الايام اللي هنصومها ..
عشان نتعلم الدعاء وعلى ما ييجي شهر رمضان نكون ادمننا الدعاء فميفوتناش ولا يوم وبإذن الله كل أحلامنا تتحقق ..

6- ورد قراءة القرآن
هنبدأ فيه بالتدريج لو في ناس مش ليها ورد ومهمله مع القرآن حبتين تلاته .. نبدأ بصفحة يوميا .. ونزود كل يوم ولو آيه واحده عن اليوم اللي قبله .. على ما ييجي رمضان بإذن الله نكون وصلنا لجزء يوميا بإذن الله ..
ونحاول نقرأ تفسير مبسط ( تفسير السعدي مثلا) عشان يعيننا على التدبر .. مش أبقى واقف ورا الإمام وهو بيقرأ والناس بتبكي وأنا أكني في دنيا تانيه ..
يبقى قراءة كتاب تفسير كل يوم بعض الآيات .. متثقلش على نفسك ..


7- الاخلاق يا جماعه .. الاخلاااااااااااق ..
نحسن من معاملاتنا مع الناس شويه .. ونحاول نتعلم الادب مع الأب والام بالذات .. وطريقة الكلام والمعاملة .. حاسب من دعواتهم عليك .. خاف أوي ..

8- إدمان الاستغفار في اوقات الفراغ ..
والكلمة أقصدها بالمعنى الحرفي .. عاوزين نكون مدمنين استغفار ..

9- حاول تتعود عالصدقة ..
ولو جزء بسيط أسبوعيا مش يوميا .. لحد ما تتعود عليها وعلى رمضان ما يشرفنا تكون بقيت منفق .. ربنا يتقبل يااااااارب ..

10- يلا وروني مقترحاتكم هو أنا هدني أتكلم كتير كده
والأعمال اللي نقدر نتعود عليها من دلوقتي لحد ما الشهر الكريم ينورنا ..
متبخلوش علينا بأفكاركم يمكن حد يطبقها وتاخدوا مثل أجره ..

اللهم بارك لنا في رجب وشعبان وبلغنا رمضان ..

أستودعكم الله .. والسلام عليكم ورحمة الله وبركاته ..




الرجوع الى أعلى الصفحة اذهب الى الأسفل
sali

avatar

عدد المساهمات : 211
نقاط : 443
تاريخ التسجيل : 16/04/2011

مُساهمةموضوع: رد: الحق نفسك قبل المدفع ما يضرب   الإثنين 4 يوليو 2011 - 20:58

وبارك الله لك في قولك وعملك
متميزة بمواضيعك

_________________



الرجوع الى أعلى الصفحة اذهب الى الأسفل
نور

avatar

عدد المساهمات : 2718
نقاط : 3217
تاريخ التسجيل : 08/03/2011
الموقع : مصر

مُساهمةموضوع: رد: الحق نفسك قبل المدفع ما يضرب   الإثنين 4 يوليو 2011 - 22:30

موضوعك رائع ياحبيبتى ماشاء الله

وياريت اللى قدامه حد غلبان ياخد عهد على نفسه انه ياخد ثواب افطاره يعنى

لوبعت طبق من اى صنف عامله مش هاياثر معاه ده هايزود البركه فى اكله

وفى ماله جزاكى الله خير الجزاء

_________________

الرجوع الى أعلى الصفحة اذهب الى الأسفل
نور

avatar

عدد المساهمات : 2718
نقاط : 3217
تاريخ التسجيل : 08/03/2011
الموقع : مصر

مُساهمةموضوع: رد: الحق نفسك قبل المدفع ما يضرب   الإثنين 4 يوليو 2011 - 22:32

نسيت اقول ياريت اللى زعلان مع حد يلحق نفسه ويصالحه

واللى قاطع رحمه يلحق يوصلها علشان يلحق رمضان وهو صافى

اللهم بلغنا رمضان واعنا على الصيام والقيام اللهم امين

_________________

الرجوع الى أعلى الصفحة اذهب الى الأسفل
نور

avatar

عدد المساهمات : 2718
نقاط : 3217
تاريخ التسجيل : 08/03/2011
الموقع : مصر

مُساهمةموضوع: رد: الحق نفسك قبل المدفع ما يضرب   الإثنين 4 يوليو 2011 - 22:43


_________________

الرجوع الى أعلى الصفحة اذهب الى الأسفل
محسن الشريف

avatar

عدد المساهمات : 807
نقاط : 3592
تاريخ التسجيل : 04/03/2011

مُساهمةموضوع: رد: الحق نفسك قبل المدفع ما يضرب   الثلاثاء 5 يوليو 2011 - 19:40

الرجوع الى أعلى الصفحة اذهب الى الأسفل
http://mohsen1.yoo7.com
حنين

avatar

عدد المساهمات : 2228
نقاط : 2955
تاريخ التسجيل : 20/03/2011

مُساهمةموضوع: رد: الحق نفسك قبل المدفع ما يضرب   الثلاثاء 5 يوليو 2011 - 19:42

جزاك الله خير الجزاء

مبروووووووووك التثبيت

_________________
الرجوع الى أعلى الصفحة اذهب الى الأسفل
nanakoko

avatar

عدد المساهمات : 923
نقاط : 1604
تاريخ التسجيل : 07/04/2011

مُساهمةموضوع: رد: الحق نفسك قبل المدفع ما يضرب   الثلاثاء 5 يوليو 2011 - 21:10

جزاكى الله خيرا
وطبعا انتى مليتى
شنطتك من الدعوات
يارب فى ميزان حسناتك

_________________
vpdf 1
الرجوع الى أعلى الصفحة اذهب الى الأسفل
زهرةالصحراء

avatar

عدد المساهمات : 3384
نقاط : 6700
تاريخ التسجيل : 05/03/2011

مُساهمةموضوع: رد: الحق نفسك قبل المدفع ما يضرب   الثلاثاء 5 يوليو 2011 - 21:14

جزاك الله خيرا

وجعله فى ميزانك

انت فعلا ربح رائع للمنتدى

بارك الله لك
الرجوع الى أعلى الصفحة اذهب الى الأسفل
 
الحق نفسك قبل المدفع ما يضرب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصابرين :: القسم الأسلامى :: الحياة والدين-
انتقل الى: