باف باسترى حلوو حادق من ايدى

ازيكم ياحبايب انا عملت باف باسترى يجنن فى يوم ميلاد بنتى وقولت لازم ولا بد وحتما تشوفو عمايل ايدى كان نفسى طبعا تدوقوه بس يلا ملحوقه
يلا

انطلاق





عجينه باف باسترى

حليب مكثف محلى

بيضه

مكسرات بس كده







نجيب الباف باسترى نخرجه من الفريزر شويه وبلاش يفك خالص عشان تعرفى تفكيه من بعضه
وبعدين تقطعى كل مربع الى 4 وندهن الصينيه خفيف بالزيت او السمن اللى يعجبك ونضع الباف باسترى فيها وندهن وشها بالبيض ونضعها بالفرن درجه حراره الفرن180 درجه
لحين النضج يعنى لاغيه اما وشها يبقى لونه دهبى
واول ما يطلع نرش عليه وهو سخن الحليب المحلى ونرش مكسرات وبالف هنا



كان نفسى اصور الخطوات

الحادق بقى بنفس الطريقه بس انا حطيت فى العجينه جبن كاسات للدهن ممكن انتى تنوعى فى الحشو زى ما تحبى ولفتها زى الرول ودهنتها بيض وعليه حبه البركه وبالف هنا وشفا على قلبكم

واهو شكله على السفره

تسلم الايادى

الصورة هى اللى كبيرة

مش يكفوا هههههه

بالف هناء وشفاء وكل سنة وهى طيبة ويارب تشوفيها عروسة

كل سنه وهى طيبه وعقبال ما تفرحى بيها يا رب