ازيكم يا حبايبى عملت اليوم بيتزا وطبعا انا اول ما اعرفتها من حوالى سنه كده وهى الطريقه المعتمده بتاعتى فى البيتزا ومش بعمل غيرها وان شاء الله اما تجربوها مش هتعملو غيرها زى
تعالو نشوف المقادير والطريقه مع بعض
المقادير؛
- كوب ونص دقيق ابيض
- اقل من نصف كوب زيت
- 1 م ط خميره
- كوب وربع ماء
- 1م ط بيكنج باودر
- 3 ملاعق حليب بودره
- بيضه
- ذره ملح و1م ص سكر
الطريقه
طبعا بنحط السوائل مع بعض البيض والزيت والماء
ثم نضع الدقيق والخميره والبيكنج بودر وذره الملح والسكر والحليب البودر على فكره الحليب البودره هو اللى بيدى للعجينه طرواه وبتبقى هشه وجميله جدا
طبعا هتخلطى كله مع بعضه وهتبقى عجينه شبه سائله ولا يهمك كله فى التمام كده
نجيب الصينيه وندهن بسيط زيت ثم نضع الخليط فيه
خلاويص لا لسه نجيب بقى الكاتشب ونحطه عليها فى الاول وبعدين جزر مبشور وفلفل مقطع الوان وزيتون اسود او اخضر او الاتنين وبعدين سويس او نقانق او اى شئ تانى تحبيه ممكن تونه او لحمه مفرومه او همبورجر او جبن
وبعدين نحط الجبنه الموتزاريلا وكمان انا حطيت جبنه شيدر
واهى شكلها قبل الفرن
وديه شكلها من زوايه اخرى
وديه بعد ما حطيت الجبن
وديه بعد ما خرجت من الفرن
صوره كمان عشان اللى ما شفشى يشوف تانى
ههههه
يا رب تجربوها وتقولولى
فى امان الله