الفرق بين القاهرة واسكندرية

من غير زعل)
نهارده موضوع عباره عن شويه فروق بيناالا سكندرانيه وبين اخواتنا وحبايبنا المصاروه "اللى من القاهره يعنى"

فى القاهره : ايه ده الحاجه دى "جامده اخر حاجه"

فى اسكندريه : ايوووه الحاجه دى جامده اوى

فى القاهره : انا مش نمت من امبارح "تحس انك بتكلم طفل"

فى اسكندريه : انا منمتش من امبارح "ناس جد الجد"

فى القاهره : انا هشوف الموضوع ده

فى اسكندريه : انا حشوف الموضوع ده

فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

فى اسكندريه : جومه عادى خالص جومه

فى القاهره : صباعى "ياعينى عليك يابنى"

فى اسكندريه : صوبعى اهى مفيهاش مشكله فله شمعه منوره اهى

فى القاهره : الزمالك عمل ايه النهارده الاجابه كيسب

فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود

فى القاهره : جلابيه "كلمه مبالغ فيها"

فى اسكندريه : عبايه "زى الفل"

فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"

فى القاهره : خمسين قرش "الرياضه واخده معاكم حقها اوى يا اخواتى"

فى اسكندريه : نص جنيه "اهى يا جدعان فيها ايه زى العسل اهى"

فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه واللهى يطرنى بره المحل

فى اسكندريه : مستيكه "شايفين الاسم كله مازيكا"

فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

فى الاسكندريه : جبنه مثلثات عادى ماهى شكلها كده مش بنتفلسف احنا

فى القاهره : (جبنه رومى) دى على اساس انها بنت عم الديك الرومى

فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

فى اسكندريه : فلافل معروفه طول عمرها زى ما فى روميو وجوليت فيه فول وفلافل

فى القاهره : يقولوا ايه فول بالزيت حار

فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون

فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه
فى النهايه احب اقولكم القهراويه دول حبايبى حبايبى بحبهم موت موت موت موت
بس محدش يزعل منى انا واللهى بموت فى القاهره واهل القاهره واللهى اجدع ناس

هههههههههههههههههههههههههههههه
ونسيتى
الممبااااااااار انتم بتقولوعليه عثمان
مين عثمان دا
والسجق بتقولوا سدق
يعنى ايه سدق
والحمام بتقولوا عليه زغاليل
طيب بزمتك هى الزغاليل تتاكل دا حتى يبقى حرااااااام

واحلى سلااااااااااام للاسكندرانيه

ههههههههههههه ايه يا اختى عثمان ده يا اختى اسمه عصبان هههههههههههههه

لاء يا اختى والله يا نور انا جبتها من الفيس بوك برىء يا بيه
ههههههههههههههههههههههههههههه

نور كتب:

ههههههههههههههه شاطره ياحنين عرفتى تردى عليها
ومين قالك ياست نسمه اننا بنتكلم كده
احنا بنقول على البونبون ارواح حرام عليكى ناقص تقولى بنشتريه من المقابر ههههههههههههه
يابنتى الغالبيه بتقول عليه بنبون وبعض الناس بيقولوا ملبس
وعلى فكره معظم الكلام اللى قلتى عليه اسكندرانى دى لغتنا احنا الا كام كلمه اسكندرانى بجد هههههههههههههه معلش يانسمه خيرها فى كلمات تانيه

ههههههههههههههههههههههههه
امال ايه يا نور احنا رداله قوى ومحدش يقدر يدوس لينا على طرف

انتوا كلكم عليا ولا ايه هههههههههههههههههههههههههههه

فى حفظ الله يا نور واعذرينى يا اختى انا اللى جبته لنفسى

نور كتب:

اذان العشاء هاروح اصلى واجى

تقبل الله
انا سبقتك
الحمد لله