يبقى انت اكيـــــــــد فى مصـــــــــر

يبقي أنت أكيد فى مصر



v لما تلاقى واحد واقف الساعة 7 الصبح بينظم المرور ومش مستنى فى المقابل حاجة



v لما نجم الجيل فى هذه اللحظة العظيمة من تاريخ مصر يبقى عصام شرف مش تامر حسنى



v لما حمادة هلال بيحضر اغنية شهداء زلزال اليابان



v لما يبقى يوم الجمعة أوله ترانيم وبعد كدة صلاة جمعة وبعدها أغانى وطنية و كله فى مكان واحد



v لما رئيس وزراء دولة يصلى جنبك ع الرصيف



v لما تلاقي مسيحي بيزعق االله اكبر عشان اللي ورا ومش سامع الإمام المسلم يسمع



v لما تلاقي بنتك عايزة تسرح شعرها زي البنت الشهيدة بدل هانامونتانا



v لما ميدان يضم أسمي وأجمل أخلاق كلنا فيه مسلم ومسيحي ايد واحدة





v لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال



v لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت…. إشتراك سنة كونج فو





v لما الناس لسة لاقية تاكل فى بلد بتتنهب بقالها 30 سنة ) تعليق :طبعا الله هو الرازق الرزاق و مهما مصر اتسرقت كل واحد رزقه مضمون و لم و لن ينقص جنيها بضمان الله عز و جل)



v لما أبوك يسيب أخبار التلفزيون ويجى يقولك شوفلى الناس بتقول إيه على تويتر



v لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد



v لما الجيش يبعتلك مسجات أكتر من خطيبتك



v لما أهلك يفتخروا بيك قدام الناس ويقولو ده مش بيقوم من عالفيس بوك



v لما العالم كله يتابع السباق الرئاسى فى مصر كأنه إنتخابات أمريكا



v لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين



يبقي أنت أكيد فى مصر

فعلا هى دى مصر
وعلى فكرة طول عمرهم بس كانوا مكتومى النفس




(انا نقلته حوارات هادفة)

لانه هادف فعلاااااااااااااااااااااااااااااااا

شكرا يا فيونكة