لما دى عيوبك00....!؟

...........
لما دي عيوبك تبقى أيه مميزاتك
في أي موضوع تلاقى فيه أسئلة عن الصراحة
ويجى السؤال أيه عيوبك ...
تلاقى أجابة جميلة بصراحة عيوبى كتير
أول عيب فيه الصراحة ..!!!
هى الصراحة أصبحت دلوقتى عيوب
والكدب ميزة ....... كفاية تعبتونا
تانى عيب فيه طيب أوى........!!!
أصبحت الطيبة عيب والشر ميزة ...كفاية ارحمونا
تالت عيب فية ..أنى بكسف أوى .!!
لا المفروض مش تكسفى أمشى فى الشارع حتى من غير هدوم طالما الكسوف عيب ..كفاية أرحمونا
رابع عيب فية أنى مش بعرف أجامل ..!!
لا المفروض تكونى منافقة وهنا بوجه وهناك بوجه
مختلف ....كفاية قرفتونا وهناك فرق بين مجاملة ونفاق
والعيب اللى فاضل ..ومش عارفة ابطلة أنى بكرم الضيف ...
ليه كده أول مايجى ضيف من على الباب وأطرده ...
أرحمونا تعبتونا قلبتوا الكدب حقيقة وقلبتوا المميزات عيوب
والأدهى من ذلك وأقسم بالله تكلمت مع شخص بيقول من عيوبى أنى بصلى فى المسجد كل فرض
طيب ليه أول ما ينادى للصلاة أفتح الكاسيت وأقعد أرقص ...طالما الصلاة اصبحت عيبا
والعيب اللى مش عارف له حل أنى متواضع ...
نسى أن الله دعا للتواضع فى كتابه الكريم قال تعالى
" وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ (18)لقمان"
ولا على أيه أوعى تكون متواضع ولما يكلمك حد أركله بقدمك كفاية خنقتونا
أنا أعتذر لأسلوبى

قلبت الناس الاشياء وصنفتها تصنيف اخر
كل حسب هواه

شكرا لك