اليكم حبيباتى طريقه عمل النوتيلا فى البيت بطريقه سهله وبسيطه وغير مكلفه
يلا معايا نشوف المقادير والطريقه مع بعض
نبدأ بالمقاديييير:
علبة قشطة أي نوع معلبة او لو عندك قشطه يبقى حلو اوى
ملعقة كبيرة زيت
ملعقتين كبار "ملعقة أكل"مسحوق الكاكاو البودرة
خمس ملاعق كبيرة مليانة حليب نيدو
ملعقة صغيرة نسكافيه
فنجالين سكر مطحون نااعم جدا جدا
ظرف كريم كراميل ولو تطحنيه يكون أحسن
ملعقة صغيرة فانيليا
وبـسسسسسسسسسسسس
الطريقه سهله اوى
اخلطى كل المكونات مع بعض فى الخلاط الكهربائى حتى تمام الذوبان
وبعدين حطيها فى برطمان واحفظيها بالتلاجه لحين استخدامها
طبعا انا بحبها قبل ولادى وبعملهلهم فى السندوتشات بيحبوها اوى
وممكن كمان تبقى حشو للحلويات وتزيين للتورت